साफ खेल्ने खेलाडीको खुला छनोट हुने

काठमाडौं। आसन्न साफ यु–२० र १६ च्याम्पियनसिपका लागि अखिल नेपाल फुटबल संघ (एन्फा)ले खेलाडी खुला छनोटबाट गर्नेभएको छ। 

एन्फाले आइतबार सात प्रदेश फुटबल संघ र सदस्य जिल्ला फुटबल संघहरूलाई पत्र पठाउँदै दुवै प्रतियोगिताका लागि खेलाडी छनोट कार्यक्रम सञ्चालन गर्ने जानकरी दिएको हो।

जसअनुसार १७ वर्षमुनिका लागि प्रदेश छनोट असार १७ देखि २२ गतेसम्म र केन्द्रीय छनोट साउन २५ देखि ३२ गतेसम्म हुनेछ ।२० वर्ष मुनिका खेलाडीका लागि असार १० देखि १५ गतेसम्म प्रदेश र अन्तिम चरणको छनोट असार १८ देखि २५ गतेसम्म सञ्चालन गर्ने एन्फाले जनाएको छ ।

प्रदेशबाट छनोट भएका बढीमा ३० खेलाडी अन्तिम चरणको छनोटमा समावेश गरिने एन्फाले जनाएको छ । छनोटमा सहभागी हुने खेलाडीले नागरिकता वा पासपोर्ट ल्याउनुपर्नेछ।