‘सी’ डिभिजन लिगमा आरसी ३२ उपविजेता

काठमाडौं। रारा रेन्जर्स (आरसी ३२) सहिद स्मारक ‘सी’ डिभिजन लिगमा उपविजेता बनेको छ। 

लगनखेलस्थित आर्मी फिजिकल ट्रेनिङ एन्ड स्पोर्ट्स सेन्टरमा बुधबार भएको खेलमा आरसी ३२ सानेपा क्लबसँग ३–२ गोल अन्तरले पराजित भयो। सानेपाका सम्राटसिंह डंगोल, पेमा दोर्जे लामा र खेमराज तामाङले गोल गरे।

आरसी ३२ का विकास सन्तोषी र हेमन लिम्बूले गोल गरेपनि टोलीलाई जिताउन सकेनन्। १३ खेलमा २६ अंक जोडेर आरसी ३२ दोस्रो स्थानमा रह्यो। सानेपा समान खेलबाट १८ अंक जोडेर सातौं स्थानमा रह्यो।