डी जोङको स्थानमा इयानलाई बोलाइयो

काठमाडौं। नेदरल्यान्ड्सका प्रशिक्षक रोनाल्ड कोइम्यानले बोरुसिया डर्टमुन्डका डिफेन्डर इयान माट्सनलाई टोलीमा बोलाएका छन्। घुँडाको चोटका कारण मिडफिल्डर फ्रेन्की डी जोङ बाहिरिएपछि इयानलाई टोलीमा बोलाइएको हो।

कोम्यानले सोमबार अबेर डी जोङ जर्मनीमा शुक्रबारदेखि सुरु हुने युरोकप खेल्नका लागि समयमै फिट नहुने जानकारी दिएका थिए। 

सन् १९८८ को युरोपियन च्याम्पियन नेदरल्यान्ड्सले समूह 'डी' को पहिलो खेलमा आइतबार ह्याम्बर्गमा पोल्यान्डको सामना गर्नेछ भने त्यसपछि विश्वकपको उपविजेता फ्रान्ससँग खेल्नेछ। समूह चरणको अन्तिम खेल अस्ट्रियासँग खेल्नेछ।