क्यानडासँग आयरल्यान्ड पराजित

काठमाडौं। आइसिसी टी–२० विश्वकप क्रिकेटको समूह 'ए' अन्तर्गत शुक्रबार भएको खेलमा क्यानडाले आयरल्याण्डलाई १२ रनले पराजित गरेको छ । 

न्युयोर्कस्थित नासाउ काउन्टी अन्तर्राष्ट्रिय क्रिकेट रङ्गशालामा भएको खेलमा क्यानडाले पहिले ब्याटिङ गर्दै १३७ रन बनाएको थियो । 

जवाफमा आयरल्याण्डले खराब सुरुवात गरेको थियो । कप्तान पल स्टर्लिङले १७ बलमा ९ रन मात्र बनाउन सके । त्यस्तै बालबर्नीले १८ तथा ह्यारी टेक्टरले ७ रन मात्र जोडे । 

लोर्कान टकरले १०, कर्टिस क्याम्फरले ४ रन बनाए । मध्यक्रममा जर्ज डकरेल र मार्क एडेयरले १०० रनको स्कोर पार गरे । त्यसपछि अडेयर २४ बलमा ३४ रन बनाएर आउट भए । डकरेलले ३० रन बनाए पनि टिमलाई जिताउन सकेनन् र उनको टोली १२ रनले पराजित भयो ।