मार्कस र वार्नरको अर्धशतकमा ओमानलाई १६६ रनको लक्ष्य

काठमाडौं। मार्कस स्टोइनिस र डेभिड वार्नरको अर्धशतकसँगै अस्ट्रेलियाले आइसिसी ट्वान्टी-२० विश्वकपमा ओमानलाई १६६ रनको लक्ष्य दिएको छ।

केन्सिङ्टन ओवल, ब्रिजटाउन, बार्बाडोसमा टस हारेर पहिला ब्याटिङको निम्तो पाएको अस्ट्रेलियाले निर्धारित २० ओभरमा पाँच विकेट गुमाउँदै १६५ रन बनाएको हो।

अस्ट्रेलियाका स्टोइनिसले अविजित रहँदै सर्वाधिक ६६  रन बनाए। ३५ बल खेलेका उनले दुई चौका र ६ छक्का प्रहार गरे। 

४९ बल खेलेका वार्नरले ६ चौका र एक छक्कासहित ५४ रन प्रहार गरे। कप्तान मिचर्ल मार्श १४, ट्राभिस हेड १२ र टिम डेविड १० रनमा आउट हुँदा ग्लेन मैक्सवेलले खाता खोल्न सकेनन्।

ओमानका मेहरान खानले सर्वाधिक दुई विकेट लिए। चार ओभर बलिङ गरेका उनले ३८ रन खर्चिए। बिलाल खान र कलीमउल्लाहले समान एक विकेट लिए।