पपुवा न्यूगिनीले युगान्डालाई दियो ७८ रनको लक्ष्य

काठमाडौं। ब्याटिङ नचल्दा पपुवा न्यूगिनीले आइसिसी ट्वान्टी-२० विश्वकपमा युगान्डालाई ७८ रनको लक्ष्य दिएको छ। 

प्रोभिडेन्स स्टेडियम, गुयानामा टस हारेर पहिला ब्याटिङ थालेको पपुवा न्यूगिनीले १९.१ ओभरमा सबै विकेट गुमाउँदै ७७ रन बनाएको हो।

पपुवा न्यूगिनीका हिरि हिरिले सर्वाधिक १५ रन बनाए। किप्लिन डोरिगा र लेगा सियाका समान १२ रनमा आउट हुँदा अन्यको प्रदर्शन राम्रो हुन सकेन।

युगान्डका अल्पेश रामजनी, जुमा मियाजी, कासमास क्येवूता र फ्रेन्क नसूबूगाले समान दुई विकेट लिए। ब्रायन मसाबाको नाममा एक विकेट रह्यो।