ब्याटर नचल्दा नेदरल्यान्ड्सलाई सामान्य लक्ष्य

काठमाडौं। कप्तान रोहितकुमार पौडेलबाहेक अन्य ब्याटर नचल्दा आइसिसी ट्वान्टी–२० विश्वकपअन्तर्गत नेदरल्यान्ड्सले सामान्य लक्ष्य पाएको छ।

अमेरिकाको डालासस्थित ग्रान्ड प्रेरी क्रिकेट स्टेडियममा टस हारेर पहिला ब्याटिङ थालेको नेपालले १९.२ ओभरमा सबै विकेट गुमाउँदै १०६ रन बनाएको छ।

१०७ रनको लक्ष्य पाएको नेदरल्यान्ड्सले केही बेरपछि ब्याटिङ गर्ने छ। नेपालका कप्तान रोहितकुमार पौडेलले सर्वाधिक ३५ रन बनाए। ३७ बल खेलेका उनले ५ चौका प्रहार गरे। करण केसी १७, गुल्शनकुमार झा १४ र अनिल साह ११ रनमा आउट हुँदा अन्यले दोहोरो अंकमा रन बटुल्न सकेनन्। ्

नेदरल्यान्ड्सका टिम प्रिन्गल र लोगान भ्यान वीकले समान ३ विकेट लिए। पाउल भ्यान मिकरेन र बास डे लीडेले समान २ विकेट लिए।