काठमाडौंलाई एनसीसी क्रिकेट प्रतियोगिताको उपाधि

 काठमाडौं। क्रिकेट एक्सिलेन्ट सेन्टर काठमाडौंले एनसीसी महिला तथा पुरुष ट्वान्टी–२० क्रिकेट प्रतियोगिताको उपाधि जितेका छन् । 

शनिबार सम्पन्न फाइनलमा भक्तपुर क्रिकेट सेन्टर डकवर्थ लेविस पद्धति (डिएलएस)मा १२ रनले पराजित गर्दै क्रिकेट एक्सिलेन्ट काठमाडौंले उपाधि जितेको हो।

वर्षाले प्रभावित भएको खेलमा भक्तपुरले काठमाडौंलाई १२२ रनको लक्ष्य दिएको थियो । तर, काठमाडौंले १६.१ ओभरमा ३ विकेट गुमाउँदै १११ रन बनाएर ब्याटिङ गरिरहँदा वर्षा हुन सुरु भएको थियो । 

वर्षा नरोकिएपछि खेलको छिनोफानो डिएलएसबाट गरिएको हो । डिएलएसमा काठमाडौंले १०० रनको लक्ष्य पाएको थियो ।  तर, १११ रन बनाइसकेको कारण काठमाडौं १२ रनले विजयी भएको घोषणा गरियो ।