इलाम जिल्ला लिग : उपाधिको लागि रेडहर्स र त्रिवेणी भिड्ने

इलाम । एन्फा इलाम जिल्ला लिगको उपाधिको लागि रेडहर्स फुटबल क्लब र त्रिवेणी फुटबल क्ल्ब भिड्ने भएका छन् । 

इलामको ठुलो टुँडिखेलमा भएको सेमिफाइनल खेलमा रेडहर्सले मिलियन फ्रेन्डर्स क्लब ९एमएफसी० पान्दाम र त्रिवेणीले फ्रेन्डसिप युथ क्लब गोदकलाई हराउँदै उपाधि होडमा प्रवेश गरेका हुन् । 

पहिलो सेमिफाइनल खेलमा रेडहर्सले एमएफसीलाई टाइब्रेकरमा हराएको हो । निर्धारित समयमा दुवै टिमले १–१ गोलको बराबरी खेलेपछि निर्णयका लागि टाइब्रेकर रोजिएको थियो । टाइब्रेकरमा रेडहर्स ४–२ गोल अन्तरले बिजयी बन्यो । रेडहर्सलाई फाइनल पुर्याउन गोलरक्षक निशम दनुवारले निर्णायक भूमिका खेले । 

उनले एमएफसीको २ टाइब्रेकर प्रहार बचाएका थिए । खेलको सुरुआती अग्रता रेडहर्सले लिएको थियो । दोस्रो हाफको १४ औ मिनेटमा प्रिन्स शेर्पाले हेडरमार्फत गोल गर्दै अग्रता दिलाए । इन्जुरी समयमा शुसान्त गुरुङले बराबरी गरे ।

दोस्रो सेमिफाइनल खेलमा त्रिवेणीले फ्रेन्डसिप माथि ३–० गोल अन्तरको जित दर्ता गरेको छ । पहिलो हाफ गोलरहित बराबरी सकिएको खेलमा दोश्रो हाफको ११औँ मिनेटमा अबिरल राईले त्रिवेणीलाई अग्रता दिलाए । अन्तिम मिनेट र अतिरिक्त समयमा मुकेश मगरले गोल गरेपछि त्रिवेणीले रेडहर्ससँग उपाधि भेट पक्का गरेको हो । फाइनल खेल शनिबार हुनेछ ।