'विश्वकपको ट्रफी टाढा छैन'

काठमाडौं । राष्ट्रिय महिला क्रिकेट टिमकी सदस्य खुसी डंगोलले विश्वकपको ट्रफी नेपालका लागि पनि टाढा नभएको बताएकी छिन् । 

उनले खेलाडीहरुको आत्मविश्वासले नेपाल विश्वकप सम्म पुगेको उल्लेख गर्दै टी ट्वान्टी गेममा कुनैपनि नतिजा निस्कन सक्ने बताएकी हुन् ।

‘सबै खेलाडीको मेहनत र आत्मविश्वासले विश्वकपसम्म पुगेका छौं । सोच्ने हो भने विश्वकपको ट्रफी पनि टाढा छैन । केही सोचेर गर्छौ भने कसलाई थाहा, जित्छौं कि !’ उनले भनिन्, ‘टी ट्वान्टी गेम हो । त्यो दिनले साथ दिएको खण्डमा हामीले प्रर्दशन गर्यौ भने जित्नपनि सक्छौं ।’  

खुसीले नेपाल सुपर आठमा पुग्ने उल्लेख गर्दै ठुला टिमविरुद्ध खेलाडीले राम्रो प्रर्दशन गर्ने विश्वास ब्यक्त गरिन् । 

‘अद्धितिय प्रर्दशन हुन्छ भन्ने लाग्छ । सबै खेलाडीमा क्षमता छ । सबैमा जित्ने भोक छ । सबै खेलाडीले साझा लक्ष्य लिएर खेलेका छन् ।’ उनले भनिन् ।