भक्तपुरमाथि काठमाडौंको जित

काठमाडौं। काठमाडौं जिल्लाले एनसिसिएस महिला तथा पुरुष ट्वान्टी २० क्रिकेट प्रतियोगितामा भक्तपुर जिल्लालाई ९ विकेटले पराजित गरेको छ। भक्तपुरले दिएको ४६ रनको लक्ष्य काठमाडौंले ९.१ ओभरमा १ विकेट गुमाउँदै पूरा गर्‍यो।

काठमाडौंकी अस्मिता खरेलले अविजित रहँदै सर्वाधिक १८ रन बनाइन्। करिश्मा गुरुङ ९ रनमा अविजित रहिन्। भक्तपुरकी अनुषा रोक्काले १ विकेट लिइन्। 

त्यसअघि पहिला ब्याटिङ थालेको भक्तपुरले १६.३ ओभरमा सबै विकेट गुमाउँदै ४५ रन बनाएको थियो। भक्तपुरकी अलिशा खड्काले सर्वाधिक ८ रन बनाउँदा अन्य ब्याटर चल्न सकेनन्।

काठमाडौंकी विपिशा शाहीले १४ रन खर्चिँदै सर्वाधिक ३ विकेट लिइन्। अस्मिता खरेल र संस्कृति फुयाँलको नाममा १/१ विकेट रह्यो।

महिलातर्फ प्रतियोगितामा ३ टोलीको सहभागिता रहेको छ। काठमाडौंको ३ खेलबाट ४ अंक छ। भक्तपुरको समान खेलबाट ३ अंक छ।