ग्रेट हिमालयको विजयी सुरूआत
काठमाडौं। ग्रेट हिमालय क्रिकेट एकेडेमीले एनसिसिएस महिला तथा पुरुष ट्वान्टी २० क्रिकेट प्रतियोगितामा विजयी सुरूआत गरेको छ।
मंगलबार सम्पन्न खेलमा हिमालयले ओएसिस क्रिकेट एकेडेमीलाई ६ विकेटले पराजित गरेको हो। हिमालयका सम्राट भुषालले अविजित रहँदै सर्वाधिक ५३ रन बनाए।
रुपेश श्रीवास्तव १३ रनमा आउट हुँदा अशोक पौडेल २२ रनमा अविजित रहे। ओएसिसका सुमित नेवारले ३ विकेट लिए।
त्यसअघि मूलपानी क्रिकेट मैदानमा पहिला ब्याटिङ थालेको ओएसिसले निर्धारित २० ओभरमा ७ विकेट गुमाउँदै १२० रन बनाए।
ओएसिसका निश्चल श्रेष्ठले अविजित रहँदै सर्वाधिक २१ रन बनाए। यस्तै, केशब साउद १८ र शंकर राणा १७ रनमा आउट भए। हिमालयका रुपेश श्रीवास्तव, अभिषेक थापा र चन्द्रकान्त पौडेलले १/१ विकेट लिए।
जितसँगै समूह बी मा रहेको हिमालयले दुई अंक जोड्यो। ओएसिसको भने प्रतियोगितामा यो लगातार दोस्रो हार हो। पहिलो खेलमा भक्तपुर क्रिकेट एक्सिलेन्ट सेन्टरसँग ओएसिस ८ विकेटले पराजित भएको थियो।
ओएसिसको पनि २ अंक छ। ओएसिसले दिएको १२० रनको लक्ष्य पछ्याएको हिमालयले १७.३ ओभरमा ४ विकेट गुमाउँदै १२४ रन बनायो।
