भक्तपुरसँग ललितपुर पराजित

काठमाडौँ। भक्तपुर जिल्ला क्रिकेट महिला टोलीले एनसीसीएस महिला तथा पुरुष टी२० क्रिकेट प्रतियोगितामा ललितपुरलाई पराजित गरेको छ। सोमबार सम्पन्न खेलमा भक्तपुर ८ रनले विजयी भएको हो। 

भक्तपुरले दिएको ८१ रनको लक्ष्य पछ्याएको ललितपुरले १८.४ ओभरमा सबै विकेट गुमाउँदै ७२ रन मात्रै बनायो।  ललितपुरकी गंगा बस्नेतले ३३ बलमा सर्वाधिक ३३ रन बनाइन्।

भक्तपुरकी पूजा साउदले १४ रन खर्चिएर सर्वाधिक विकेट लिए। अनुशा रोका र सिर्जना श्रेष्ठले २/२ विकेट लिइन्।

त्यसअघि ब्याटिङ थालेको भक्तपुरले निर्धारित २० ओभरमा १० विकेट गुमाउँदै ८० रन बनाएको थियो।

भक्तपुरकी अनुशा रोलाले १२ बलमा सर्वाधिक ९ रन बनाइन्। बिनु जापरेल ८ र अलिशा खड्का ७ रनमा आउट भइन्।

ललितपुरकी मनिषा उपाध्यय र स्वयता गुप्ताले २/२ विकेट लिइन्। सम्भाव्य ढकालको नाममा १ विकेट रह्यो। योसँगै भक्तपुरले पहिलो जित हासिल गरेको छ। 

पहिलो ललितपुरसँगको पहिलो खेल भने वर्षाका कारण रद्द भएको थियो। यो समूहमा ३ अंक जोडेको भक्तपुर शीर्ष स्थानमा रहेको छ। २ अंकसहित काठमाडौँ जिल्ला दोस्रो स्थानमा छ। ललितपुर भने १ अंकसहित पुछामा रहेको छ।