लेभरकुजनले जित्यो जर्मन कप

काठमाडौँ। ग्रानिट जाकाको निर्णयक गोलमा बायर लेभरकुजनले जर्मन कप जितेको छ।

बर्लिनको ओलम्पिया स्टाडियनमा शनिबार सम्पन्न खेलमा काइसर स्लाउटर्नलाई १–० ले हराउँदै लेभरकुजनले उपाधि जितेको हो।

खेलको १६औँ मिनेटमा जाकाले डिबक्स बाहिरबाट गरेको प्रहार सिधै गोलमा परिणत भएको थियो। ४४औँ मिनेटमा डिफेन्डर ओडिलोन कोसौनोउ दोस्रो पहेँलो कार्ड खाँदै मैदानबाट बाहिरिएपछि लेभरकुजन १० खेलाडीमा सीमित भएको थियो।

तर, काइसर स्लाउटर्न खेलमा फर्किन सकेन। सन् १९९३ को फाइनलमा हर्था बर्लिनको रिजर्भ टिमलाई हराएको लेभरकुजनको यो दोस्रो जर्मन कप उपाधि हो। लेभरकुजनको सन् १९८८ मा यूईएफए कप पनि जितेको थियो।

लेभरकुजनले अपराजित रहँदै बुन्डेसलिगा उपाधि जितेको थियो। बुधबार डब्लिनमा भएको युरोपा लिगको फाइनलमा भने लेभरकुजन एटलान्टासँग ३–० ले पराजित हुँदै ५२औँ खेलमसम्मको अपराजित यात्रामा ब्रेक लागेको थियो।