हुरीकेन्समाथि नेपालको जित
काठमाडौँ। नेपालले पहिलो अभ्यास खेलमा ह्युस्टन हुरीकेन्सलाई पराजित गरेको छ। शुक्रबार राति सम्पन्न खेलमा नेपाल ६ रनले विजयी भएको हो।
नेपालले दिएको १४७ रनको लक्ष्य पछ्याएको हुरीकेन्सले निर्धारित २० ओभरमा ८ विकेट गुमाउँदै १४० रन मात्रै बनाउन सक्यो।
हुरीकेन्सका लाहिरु मिलन्थाले सर्वाधिक ३३ रन बनाए। अली शेख २३, स्मित पटेल १९ र आकर्षित गोमेल १८ रनमा आउट भए।
नेपालका सोमपाल कामी र करण केसीले २/२ विकेट लिए। रोहितकुमार पौडेल, अविनाश बोहरा, सागर ढकाल र कुशल भुर्तेलको नाममा १/१ विकेट रह्यो।
त्यसअघि प्रेरी भ्यू क्रिकेट कम्प्लेक्समा टस हारेर पहिला ब्याटिङ थालेको नेपालले निर्धारित २० ओभरमा ८ विकेट गुमाउँदै १४६ रन बनाएको थियो।
नेपालका अनिलकुमार साहले सर्वाधिक ४७ रन बनाए। कप्तान रोहितकुमार पौडेल २३, गुल्शनकुमार झा २० र सन्दीप जोरा २१ रनमा आउट हुँदा करण केसी १० रनमा अविजित रहे।
