ऐतिहासिक आयोजनाको संघारमा पुरुष टी-२० विश्वकप

काठमाडौँ। शताब्दीऔँ पुरानो खेल क्रिकेटले नयाँ क्षेत्रमा प्रवेश गरे सँगै एउटा भिन्न इतिहास रच्दै छ। अन्तर्राष्ट्रिय क्रिकेट परिषद् (आईसीसी) ले सन् २०२४ को पुरुषहरूको टी-२० विश्वकप संयुक्त राज्य अमेरिका र वेस्ट इन्डिजमा आयोजनाको घोषणासँगै उत्साह छाएको थियो।

यो अमेरिकाको लागि विल्कुलै नयाँ र पहिलो ठूलो क्रिकेट प्रतियोगिता आयोजना गर्ने अवसर हो। आईसीसीले अमेरिकामा हुने खेल खेलाउने सबै स्थानको अन्तिम पटक अवलोकन गर्दैछ।

अमेरिकाको आफ्नो छुट्टै विधाको ब्याट र बलको खेल बेसबल पनि छ। यो संसारभर एकदमै लोकप्रिय र धेरै दर्शकले हेर्ने खेल मानिँदै आएको छ। अमेरिकासँग क्रिकेटको आफ्नै राष्ट्रिय टिम रहेको छ, जुन विश्व वरीयतामा सम्मानजनक २०औँ स्थानमा रहेको छ।
 
प्रशंसकहरूले यो प्रतियोगितालाई दुई देशको नाम द्विपक्षीय भ्रमण हो भनेको सुन्ने गर्छ। तर, यो सधैँको लागि २०२४ मा परिवर्तन हुनेछ र आशा गरौँ कि यसले क्रिकेटको अझ ठूलो प्रशंसक र विश्वव्यापी आकर्षण निम्त्याउनेछ।

वेस्ट इन्डिजसँगै अमेरिका टी-२० विश्वकपको सह-आयोजकको हैसियतमा रहेको छ। पुरुषहरूको टी-२० विश्वकप २०२४ का खेलस्थल, आयोजक, शुरूआत मितिलगायत सम्पूर्ण विवरण हेरौँ :

ऐतिहासिक आयोजना

यो विश्वकपका सहआयोजक हुन् वेस्ट इन्डिज र अमेरिका। आईसीसीले दर्शकलाई अधिकतम मनोरञ्जन दिलाउने प्रयास गरेको ऐतिहासिक विश्वकप पनि हो। नयाँ रंगशाला निर्माण गरिएको छ। भइरहेका पूर्वाधारलाई पनि परिष्कृत गरिएको छ।

अमेरिकामा आयोजना गरिएको आईसीसीको पहिलो प्रमुख प्रतियोगिता नै टी-२० विश्वकप २०२४ हो। बढी अवधि र टिम समावेश गरिएको प्रतियोगिता पनि यही नै हो।

आईसीसीले हालै मात्र टी-२० विश्वकप २०२४ का खेल स्थलहरू सार्वजनिक गरेको छ। मोडुलर रंगशालाका पुराना पूर्वाधार र वृद्धि गरिएको क्षमतालाई पनि प्रयोग गरिने छ।

विश्वकपमा प्रयोग गरिने १० खेलस्थल :

अमेरिका
– ग्रयान्ड प्रेरी रंगशाला, डालास, टेक्सास
– ब्रोवार्ड काउन्टी क्रिकेट रंगशाला, लाउडरहिल, फ्लोरिडा
– आइसेनहावर पार्क, नासाउ काउन्टी, न्यूयोर्क

क्यारेविया तथा वेस्ट इन्डिज

– सर भीभीयन रिचार्ड्स रंगशाला, नर्थ साउन्ड, एन्टिगुआ एन्ड बर्बुडा
– किङस्टन ओभल, ब्रिजटाउन, बार्बाडोस
– विन्डसोर पार्क, रोसु, डोमिनिका
– सरप्रोभिडेन्स रंगशाला, गुयना
– डारेन साम्मी क्रिकेट मैदान, ग्रोस–आइलेट, सेन्ट लुसिआ
– आर्नोस भेल रंगशाला, किङ्सटाउन, ट्रिनिडाड एन्ड टोबागो
– क्वीन्स पार्क ओभल, पोर्ट अफ स्पेन, सेन्ट भिन्सेन्ट एन्ड द ग्रेनाडाइन्स

शुरू हुने मिति :

टी-२० विश्वकप २०२४ मा २० देश सहभागी हुँदै छन्, जसलाई ५–५ टिम गरी चार समूहमा विभाजन गरिएको छ। सिंगल राउन्ड रोबिनको आधार खेलाइने छ। प्रतियोगिता जुन ४ मा शुरू भएर जुन ३० मा टुंगिने छ। 

इङ्ल्यान्ड डिफेन्डिङ च्याम्पियन हो। उसले टी-२० विश्वकप २०२२ को उपाधि सनसनीपूर्ण रूपमा जितेको थियो।

सहभागी देश र समूह विभाजन :

समूह ए : क्यानडा, भारत, आयरल्यान्ड, पाकिस्तान, अमेरिका
समूह बी : अस्ट्रेलिया, इङ्ल्यान्ड, नामिबिया, ओमान, स्कटल्यान्ड
समूह सी : अफगानिस्तान, न्यूजिल्यान्ड, पपुवा न्यूगिनी, युगान्डा, वेस्ट इन्डिज
समूह डी : बंगलादेश, दक्षिण अफ्रिका, श्रीलंका, नेपाल, नेदरल्यान्ड्स