नेपाल र भोलक्यानोजबीचको तेस्रो अभ्यास खेल सर्‍यो

काठमाडौँ। नेपाल र विनवार्ड्स भोलक्यानोजबीचको तेस्रो अभ्यास खेलको समय तालिका सरेको छ।

तेस्रो खेल शनिबार राति ८ बजेदेखि शुरू हुने तय थियो। तर, नेपाल क्रिकेट संघ (क्यान)ले अन्तिम खेल ढिलोगरी शुरू हुने जानकारी दिएको हो।

क्यानका अनुसार अन्तिम खेल नेपाली समयअनुसार राति ११:१५ बजेबाट शुरू हुने छ। तीन अभ्यास खेलमा नेपालले दुई जित हासिल गरिसकेको छ।

नेपालले पहिलो खेलमा ४ विकेटको जित हासिल गरेको थियो। दोस्रो खेलमा पनि नेपालले उक्त लय कायम राख्दै ४९ रनको जित हासिल गरेको थियो।