विश्वकपअघि नेपालले अमेरिका र क्यानडासँग वामअर्प म्याच खेल्ने

काठमाडौँ। नेपालले आईसीसी टी–२० विश्वकपअघि अमेरिका र क्यानडासँग वामअर्प म्याच खेल्ने भएको छ।

अन्तर्राष्ट्रिय क्रिकेट परिषद् (आईसीसी)ले बिहीबार सार्वजनिक गरेको आधिकारिक तालिका अनुसार नेपालले एसोसिएट राष्ट्रहरू अमेरिका र क्यानडासँग वामअर्प म्याच खेल्ने पक्का भएको हो।

आईसीसीले वामअर्प म्याचका लागि २७ मेदेखि १ जुनसम्मको तालिका सार्वजनिक गरेको छ। नेपालले २७ मेमा क्यानडासँग खेल्ने छ। यो खेल
ग्रान्ड प्रेयरी क्रिकेट रंगशाला, टेक्सासमा हुनेछ। दुई दिनपछि सोही रंगशालामा नेपालले अमेरिकासँग वामअर्प म्याच खेल्ने छ।

आईसीसीका अनुसार विश्वकपअघि टेक्सासको ग्रान्ड प्रेयरी क्रिकेट स्टेडियम, फ्लोरिडाको ब्रोवार्ड काउन्टी स्टेडियम, क्विन्स पार्क ओभल र ट्रिनिडाड एन्डा टोबागोको ब्रायन लारा क्रिकेट एकेडेमीमा १६ वटा अभ्यास खेल हुनेछन्।

दक्षिण अफ्रिकासहित कुल १७ टिमले अभ्यास खेल खेल्नेछन्। यी वामअर्प म्याच २०/२० ओभरको हुने छ। तर, अन्तर्राष्ट्रिय टी–२० मान्यता प्राप्त हुनेछैन। त्यसैले आफ्नो १५ सदस्यीय टोलीका सबै सदस्यहरूलाई मैदानमा उतार्न पाइने छ।