वर्षाका कारण खेल रद्द, हैदरावाद पुग्यो प्लेअफमा

काठमाडौँ। वर्षाका कारण सनराइजर्स हैदरावाद र गुजरात टाइटन्सबीचको सिजनको दोस्रो खेल रद्द भएको छ। 

योसँगै हैदरावाद १३ खेलमा ७ जितसहित १५ अंकसहित तालिकाको तेस्रो स्थानमा उक्लिएको छ। गुजरातको समान खेलबाट ५ जितसहित १२ अंक पुगेको छ।

हैदरावाद र गुजरातबीचको खेल दिल्ली क्यापिटल्स र लखनउ सुपर जायन्ट्सले नजिकबाट हेरिरहेका थिए। यदि हैदरावादले यो खेलमा हारे बेहोरेको भए यी दुई टोलीलाई केही फाइदा पुग्ने थियो। तर, राजीव गान्धी अन्तर्राष्ट्रिय रंगशालामा भएको वर्षाले यी दुवै टोलीको आशालाई निराशामा परिणत गरेको छ। 

हैदरावादमा वर्षाका कारण खेल रद्द भएको यो पहिलो पटक हो । तर, गुजरात र हैदरावादबीचको खेलमा भने टस हुन सकेन। दिउँसोदेखि नै हैदरावादमा पानी परेको थियो। त्यसैले आउट फिल्ड भिजेको थियो। 

ग्राउन्ड स्टाफले लगातारको वर्षाका कारण खेल हुन नसक्ने जानकारी दिएका थिए। अन्ततः राति १०:१५ बजे अम्पायरहरूले निरीक्षण गरेपछि खेल रद्द भएको घोषणा गरे।