अनिलको अर्धशतकसँगै भोलक्यानोजलाई १८० रनको लक्ष्य

काठमाडौँ। अनिलकुमार साहको अर्धशतकसँगै नेपाली राष्ट्रिय क्रिकेट टोलीले दोस्रो अभ्यास खेलमा विनवार्ड्स भोलक्यानोजलाई १८० रनको लक्ष्य दिएको छ।

पार्क हिल मैदानमा टस जितेर पहिला ब्याटिङ थालेको नेपालले निर्धारित २० ओभरमा ९ विकेट गुमाउँदै १७९ रन बनाएको हो।

अनिलले सर्वाधिक ५० रन बनाए। २७ बल खेलेका उनले ४ चौका र ४ छक्का प्रहार गरे।

कप्तान रोहितकुमार पौडेल ४१, कुशल भुर्तेल ३८ र दीपेन्द्रसिंह ऐरी २६ रनमा आउट हुँदा अन्यले राम्रो प्रदर्शन गर्न सकेनन्।

निकलस रेडहेड, शाड्राक डेकार्टे र ड्यारेन नेडले २/२ विकेट लिए।