साल्ट इङ्ल्यान्ड फर्किने

काठमाडौँ। कोलकाता नाइट राइडर्सका ओपनर फिल साल्ट इङ्ल्यान्ड फर्किने भएका छन्। कोलकाता यसअघि नै इन्डियन प्रिमियर लिग (आईपीएल)को प्लेअफमा पुगिसकेको छ।

साल्टले टोलीको जितमा महत्वपूर्ण भूमिका खेलेका छन्। सुनिल नारायणसँगै साल्टले टोलीलाई द्रुत शुरूआत दिइरहेका छन्। यस्तै, उनले विकेटकिपरको जिम्मेवारी पनि सम्हालिरहेका छन्। 

साल्टले यो सिजन १२ खेलमा १८२ को स्ट्राइक रेटमा ४३५ रन बनाएका छन्। उनीबाहेक चेन्नई सुपर किंग्सका अलराउन्डर मोइन अली पनि स्वदेश फिर्ता हुँदैछन्।

पञ्जाब किंग्सका लियाम लिभिङस्टोन पनि स्वदेश फर्किएका छन्। तर, पञ्जाब टोली नकआउटको दौडबाटै बाहिरिसकेको छ। यीबाहेक जोनी बेयरस्टो, साम करन, विल ज्याक र रीस टोपले पनि चाँडै नै आईपीएल छाड्दै स्वदेश फिर्ता हुँदैछन्।