सर्वाधिक शून्य रनमा आउट हुने पहिलो ब्याट्सम्यान बने सुनील

काठमाडौँ। इडेन गार्डेन्समा कोलकाता नाइट राइडर्सका अलराउन्डर सुनील नारायण शून्य रनमा आउट भए।

कीर्तिमानी ५०९औँ इन्डियन प्रिमियर लिग (आईपीएल) खेल खेलिरहेका नारायणलाई मुम्बई इन्डियन्सका तीव्रगतिका बलर जसप्रित बुमराहले पहिलो बलमै बोल्ड गरेका थिए।

योसँगै नारायण टी–२० क्रिकेटमा सर्वाधिक शून्य रनमा आउट हुने पहिलो ब्याट्सम्यान बनेका छन्। अहिलेसम्म उनी ४४ पटक शून्य रनमा आउट भएका छन्।

उनले इङ्ग्ल्यान्डका एलेक्स हेल्स (४३) लाई पछि पारेका छन्। यस्तै, राशिद खान ४२, पल स्टर्लिङ ३२, ग्लेन म्याक्सवेल ३१ र जेसन रोय ३१ पटक शून्य रनमा आउट भएका छन्।

नारायणका लागि यो सिजन निकै राम्रो चलिरहेको छ। उनले १२ खेलमा ४६१ रन बनाएका छन्। आईपीएलमा उनले पहिलोपटक ५०० भन्दा बढी रन बनाउने सम्भावना रहेको छ।

तर, मुम्बईविरुद्धको खेलले उनको प्रतिक्षालाई लम्ब्याएको छ। नारायण यो सिजन पहिलो पटक शून्यमा आउट भएका हुन्। उनले यो सिजन आईपीएल करिअरको पहिलो शतक प्रहार गरेका थिए।