आयरल्यान्डसँग हार्यो पाकिस्तान
काठमाडौँ। घरेलु टोली आयरल्यान्डले ३ टी-२०आई शृंखलाअन्तर्गत पहिलो खेलमा पाकिस्तानलाई पराजित गरेको छ।
शुक्रबार राति सम्पन्न खेलमा आयरल्यान्डले भ्रमणकारी टोली पाकिस्तानलाई ५ विकेटले पराजित गरेको हो। योसँगै शृंखलामा आयरल्यान्डले १-० को अग्रता लिएको छ।
पाकिस्तानले दिएको १८३ रनको लक्ष्य आयरल्यान्डले १ बल बाँकी रहँदा ५ विकेट गुमाएर पूरा गरेको हो।
आयरल्यान्डका ओपनर एन्डी बैलबर्नीले सर्वाधिक ७७ रन जोडे। ५५ बल खेलेका उनले १० चौका र २ छक्का प्रहार गरे। ह्यारी टेक्टर ३६ र जर्ज डोकरेल २४ रनमा आउट हुँदा ग्यारेथ डेलेनी १० र कर्टिस कैम्फर १५ रनमा अविजित रहे।
पाकिस्तानका अब्बास अफ्रिदीले सर्वाधिक २ विकेट लिए। शाहीन शाह अफ्रिदी, नसीम शाह र इमाद वसीमको नाममा १/१ विकेट रह्यो।
त्यसअघि ब्याटिङ थालेको पाकिस्तानले निर्धारित २० ओभरमा ६ विकेट गुमाउँदै १८२ रन बनाएको थियो।
पाकिस्तानका कप्तान बाबर आजमले सर्वाधिक ५७ रन बनाए। ४३ बल खेलेका उनले ८ चौका र १ छक्का प्रहार गरे।
सईम अयूब ४५ र फखर जमान २० रनमा आउट हुँदा इफ्तिखार अहमद ३७ र शाहीन शाह अफ्रिदी १४ रनमा अविजित रहे।
आयरल्यान्डका क्रेग यंगले सर्वाधिक २ विकेट लिए। मार्क ऐडेयर र ग्यारेथ डेलेनीको नाममा १/१ विकेट रह्यो।
