‘पावर हिटर’ कुशलको चार खेलमा ४० रन

काठमाडौँ। ‘पावर हिटर’ कुशल मल्ल वेस्ट इन्डिज ‘ए’ विरुद्धको चारवटै खेलमा ‘फ्लप’ भएका छन्।

पहिलो खेलमा उनले १५ बलमा १ चौका र १ छक्कासहित १६ रन बनाएका थिए। उक्त खेलमा उनी जोनसन चार्ल्स र फ्लेचरबाट रन आउट भएका थिए।

दोस्रो खेलमा भने उनले खाता खोल्न सकेनन्। एक बल खेलेका उनी विकेटकिपर आन्द्रे फ्लेचर र केसी कार्थीबाट रन आउट भएका थिए।

तेस्रो खेलमा भने ११ बलमा २ चौका र र १ छक्का प्रहार गर्दै २० रन बनाएर उनी पेभिलियन फर्किए।  हेडेन वाल्शको बलमा उनी जोशुआ बिशपबाट क्याच आउट भए।

चौथो खेलमा भने उनी ४ रन बनाएर पेभिलियन फर्किए। १० बल खेलेका उनी एलिक एथेनाजेको बलमा कप्तान रोस्टन चेजबाट क्याच आउट भए।

४ इनिङ्स खेलेका उनले १० को औसत र १२९.०३ को स्ट्राइक रेटमा मात्र ४० रन मात्रै बनाउन सके।