फ्लेचर र चार्ल्सको अर्धशतकसँगै नेपाललाई २१० रनको लक्ष्य
बिहिबार, २० बैशाख २०८१खेलपाटी संवाददाता
काठमाडौँ। आन्द्रे फ्लेचर र जोनसन चार्ल्सको अर्धशतकसँगै वेस्ट इन्डिज ‘ए’ नेपाललाई २१० रनको लक्ष्य दिएको छ।
कीर्तिपुरस्थित त्रिवि क्रिकेट मैदानमा टस जितेर पहिला ब्याटिङ गरेको वेस्ट इन्डिजले निर्धारित २० ओभरमा ३ विकेट गुमाउँदै २०९ रन बनाएको हो।
वेस्ट इन्डिजका फ्लेचरले अविजित रहँदै सर्वाधिक ८४ रन बनाए। ५४ बल खेलेका उनले ९ चौका र ४ छक्का प्रहार गरे।
३० बल खेलेका चार्ल्सले ३ चौका र ६ छक्कासहित ५८ रन बनाए। यस्तै, फेबियन एलेन ३३ रनमा अविजित रहे।
नेपालका कुशल भुर्तेलले सर्वाधिक २ विकेट लिए। प्रतिश जीसीको नाममा १ विकेट रह्यो।
