रोहित भन्छन्, ‘पाकिस्तानविरुद्ध कडा चुनौती पस्किनेछौं’
काठमाडौं । राष्ट्रिय क्रिकेट टिमका कप्तान रोहित पौडेलले एसिया कप क्रिकेटमा पाकिस्तानविरुद्ध कडा चुनौती पस्किने बताएका छन् ।
एसिया कपको उद्घाटन खेल अघि पत्रकार सम्मेलनमा कप्तान रोहितले प्रतियोगितामा पाकिस्तान र भारतलाई प्रतिस्पर्धात्मक चुनौती पेश गर्ने बताएका हुन् ।
‘एसिया कप नेपालका लागि ठुलो उपलब्धि हो । पाकिस्तान ठुलो टिम हो । तर पाकिस्तानविरुद्धको खेल प्रतिस्पर्धात्मक हुनेछ । हामी लायक छौं, त्यही भएर एसिया कपमा छौं ।’ कप्तान रोहित भने ।
उनले पाकिस्तान र नेपाली टिममा अनुभवको मात्र फरक रहेको भन्दै दुवै टिममा राम्रा बलर र ब्याट्सम्यान रहेको उल्लेख गरे ।
उनले पाकिस्तानी टिम भन्दापनि हरेक एक बलमा केन्द्रित भएर पाकिस्तानविरुद्ध मैदान उत्रने बताए ।
कप्तान रोहितले एसिया कपका लागि नेपालले राम्रो तयारी गरेको बताए । उनले जिम्बाबेमा विश्वकप छनोट र इमर्जिङ कपको दौरान टिमले राम्रो तयारी गरेको उल्लेख गरे ।
‘पाकिस्तानी टिममा विश्वस्तरीय खेलाडी छन् । तर हामी प्रत्येक बलमा केन्द्रित भएर खेल्नेछौं ।’ कप्तान रोहितले दोह¥याए ।
उनले एसिया कपसँग नेपालका धेरै अपेक्षा र सपना भएको उल्लेख गर्दै माथिल्लो स्तरको क्रिकेट खेल्ने दुई दशकको सपना पुरा हुन लागेको बताए ।
