लेबनान समूह विजेता 

काठमाडौं । आमन्त्रित टोली लेबनानले भारतमा जारी साफ च्याम्पियनसिप फुटबलमा लगातार तेस्रो जित निकालेको छ ।

बैंगलोरस्थित श्री कांतिराव स्टेडियममा बुधबार माल्दिभ्सलाई १-० गोल अन्तरले हराउँदै लेबनानले लगातार तेस्रो जित निकालेको हो ।

लेबनानको जितमा हसन माटुकले निर्णायक गोल गरे । उनले खेलको २३ औं मिनेटमा गोल गरेका थिए ।

जितसँगै लेबनानले ३ खेलमा ९ अंक जोडेको छ ।

समूह 'बी' मा रहेको लेबनान समूह विजेता बन्दै सेमिफाइनलमा पुगेको छ ।

अब लेबनानले सेमिफाइनलमा भारतसँग खेल्नेछ । 

माल्दिभ्सको यो दोस्रो हार हो ।

माल्दिभ्स ३ खेलमा ३ अंक जोडेर तेस्रो स्थानमा रहेको छ ।