बंगलादेशले माल्दिभ्सलाई हरायो

काठमाडौं । बंगलादेशले भारतमा जारी १४ औं संस्करणको साफ च्याम्पियनसिप फुटबलमा पहिलो जित निकालेको छ।

बैंगलोरस्थित श्री कांतिराव स्टेडियममा आइतबार माल्दिभ्सलाई ३-१ गोल अन्तरले हराउँदै बंगलादेशले पहिलो जित निकालेको हो ।

खेलमा सुरुआती अग्रता भने माल्दिभ्सले बनाएको थियो ।

खेलको १७ औं मिनेटमा हाम्जा मोहमदले गोल गर्दै माल्दिभ्सलाई सुरुआती अग्रता दिलाएका थिए ।

तर, खेलको ४२ औं मिनेटमा राकिब होसेनले गोल गर्दै बंगलादेशलाई १-१ गोलको बराबरीमा ल्याए ।

खेलको ६७ औं मिनेटमा तारिक काजीले गोल गर्दा बंगलादेश २-१ ले अघि रह्यो ।

त्यसपछि खेलको ९० औं मिनेटमा शेख मोर्सलिनले गोल गर्दै बंगलादेशलाई ३-१ को जित दिलाए ।

जितसँगै समूह 'बी' को तेस्रो स्थानमा रहेको बंगलादेशले २ खेलमा ३ अंक जोडेको छ ।

पहिलो खेलमा बंगलादेशलाई लेबनानले हराएको थियो ।

माल्दिभ्स २ खेलमा ३ अंक जोडेर दोस्रो स्थानमा रहेको छ ।