श्री बकैया ठाकुर सेमिफाइनलमा

निजगढ । श्री बकैया ठाकुर माध्यमिक बिद्यालय खयरघारी निजगढ नगर स्तरिय अन्तर बिद्यालय फुटबल प्रतियोगिताको सेमिफाइनलमा प्रवेश गरेको छ ।

मंगलबार सम्पन्न खेलमा होलि एन्जल्स अङ्ग्रेजी माध्यमिक बिद्यालयलाई १-० पराजित गर्दै बकैया ठाकुर प्रतियोगिताको सेमिफाइनलमा प्रवेश गरेको हो । बकैया ठाकुरको जितमा खेलको ३० औं मिनेटमा कप्तान सुजन कुमरले फ्री किक मार्फत गरेको एक मात्र गोल जितको लागी पर्याप्त बन्यो ।

बकैया ठाकुरको जितमा निर्णायक गोल गरेका कप्तान कुमर नै खेलको म्यान अफ द म्याच घोषित भए ।

प्रतियोगिता अन्तर्गत बुधबार आयोजक निजगढ फुटबल क्लब र बिध्यासागर अङ्ग्रेजी माध्यमिक बिद्यालय बिच प्रतिस्पर्धा हुनेछ ।

प्रतियोगितामा निजगढ नगरपालिका भित्रका १० वटा बिद्यालयको १२ वटा टिमले प्रतिस्पर्धा गरिरहेका छन् ।