आर्मीले हिमालयनलाई हरायो

काठमाडौं । सहिद स्मारक 'ए' डिभिजन लिग फुटबल अन्तर्गत सिजनको अन्तिम खेलमा त्रिभुवन आर्मी क्लबले जित निकालेको छ ।

त्रिपुरेश्वरस्थित दशरथ रंगशालामा शुक्रबार आर्मीले हिमालयन शेर्पा क्लबलाई १-० गोल अन्तरले हराएको हो ।

आर्मीको जितमा सुदिल राईले निर्णायक गोल गरे ।

सुदिलले खेलको छैटौं मिनेटमा गोल गरेका थिए ।

जितसँगै आर्मीले २६ खेलमा ३४ अंक जोडेको छ ।

आर्मी छैटौं स्थानमा उक्लिएको छ ।

हिमालयन २६ खेलमा ३१ अंक जोडेर दशौँ स्थानमा रहेको छ ।